ياناس كفاية ما تعقلوا.. حال العباد أصبح سواد.. يا ترحلونا يا ترحلوا.. بلدنا فيها الخير وزاد.. وكان يكفى كل البلاد.. بعتوها ليه من غير مزاد.. فى بنوك سويسرا تحولوا.. يا ترحلونا يا ترحلوا.. يوسف حرسها وكان أمين.. وأخوه يساعده بنيامين.. مافيش رشاوى لو ابن مين.. واقروا التاريخ من أوله.. يا ترحلونا يا ترحلوا.. وجودكو كله سنين عجاف.. قولولى إيه آخر المطاف.. والحزب كله ظراف لطاف.. وبالرصاص هيقتلوا.. يا ترحلونا يا ترحلوا.. بيأكلونا أحلى كلام.. فشر الديوك والّا الحمام.. وع الرصيف الناس تنام.. كل العباد اتسولوا.. يا ترحلونا يا ترحلوا.. امتى يا شعبى راح تفوق.. ونسيبنا من شم النشوق.. تقب مرة قوام لفوق.. ساعتها همه يولولوا.. يا ترحلونا يا ترحلوا.