وقعت مشادة كلامية بين الإعلامية ريهام سعيد، والإعلامية إيمان الحصري، مقدمة برنامج «90 دقيقة» على قناة «المحور»، بعدما قالت الأولى للأخيرة: «هتسمعيني غصب عنك». جاءت مداخلة ريهام سعيد، ردا على سمية طارق، المعروفة إعلاميا ب«فتاة مول الحرية»، والتي اتهمت مقدمة برنامج «صبايا الخير» بسرقة «600 صورة شخصية من هاتفها الشخصي، وعرضتها في برنامجها أمس الثلاثاء». وبدأت ريهام سعيد مداخلتها مع برنامج «90 دقيقة» الذي تقدمه إيمان الحصري، بقولها: «أولا أن معرفكيش ومعرفش اسمك ايه، وكل واحد فينا بيقدم نوع معين من الإعلام»، فردت «الحصري»: «لما أنتي متعرفيش اسمي ايه، داخلة على البرنامج ليه حضرتك، وبعدين محدش بيبدأ كلام مع مذيع يقوله معرفش اسمك ايه؟». فردت ريهام سعيد بقولها: «أنا بكلمك بس عشان حسن راتب، وعشان الحديث في قناة المحور اللي اتربيت بيها، أنا متصلة عشان حسن راتب فقط». فقالت إيمان الحصري: «ممكن ندي لحضرتك رقم الدكتور حسن راتب واتكلمي معاه شخصيا»، فانفعلت ريهام سعيد، قائلة: «لا يا حبيبتي أنا مش بكلمه شخصيا، واسمعيني غصب عنك». فطلبت إيمان الحصري من الإعداد إنهاء الاتصال، وقالت: «اقفلوا، كلمي الدكتور حسن راتب بقى في التليفون».
