انفعل باسم مرسي، لاعب نادي الزمالك، على كريم حسن شحاته في مداخلة أجراها معه على قناة «النهار»، مساء السبت، قائلا له:« في حد كلمني وقالي كريم بيقول باسم مرسي يعتذر أنا عايز افهم بس ليه» فرد عليه شحاتة قائلا: «أستاذ مرتضى زعلان» فأجابه مرسي: «المستشار مرتضى قال اسمي هو قال باسم على الهوا ولا قال في لاعيبة متقولش المستشار كلام مقلوش وحضرتك متجبش الموضوع فيا». وأضاف «ومش شغلانتك تقول أنا ولا مش أنا المستشار مرتضى منصور دخل قال هيوقفني هيعقبني أنا هتعاقب عادي ده رئيس النادي ويعاقبني تمام ده لو أنا اللي عليا الكلام». وتابع: «لو أنا صاحب المشكلة اللي بيني وبين المستشار محدش يدخل فيه ده مبدئيا قدر أن أنا مش صاحب المشكلة بتصدري أنا في المشكلة ليه واللي بيني وبين المستشار محدش يدخل فيه ولو حد وصله كلام غلط ديه مش شغلانتي أنت فاهم بس حضرتك متقولش على الهوا أن في خلاف مع المستشار».
