ثورة ليبا ثورة سلمية لا شرقية ولا غربيَة ثورة بلد قالت لأ للظلم تبقى ثورة شعبيَة معمَر قال: مفيش مظاهرات ولو في تبقى تأييديَة تأييدية إيه؟ وانت فاقرهم ومارضهم وجبت لهم كمان بطلجيَة ملئتش حد يطاوعك منهم رحت أجَرت عصابات تشاديَة حرام عليك دم ولادك ولا انت أب ولا ريس ولا عندك أحاسيس بشريَة قصف جوي ورصاص حي وقلب ميت وبايع من زمان القضيَة ليبيا نايمة على بحيرة بترول واكلها ف كرشك ما هي فرختك الدهبيَة مش قادر تسيبها ولا مصدَق انهم قاموا ما هي كانت لعيلتك تكيَة أعدمت كتايب جند رفضوا يضربوا أخوانهم بالنار ومخفتش من رب البريَة خطفت جثث وحرقتها عشان متتحاكمش وتقول مالدنيا أمان وانا لشعبي والله هديَة قلت عليهم مهلوسين والله عيب عليك وكفاية سجايرك المحشيَة طول عمرك متكبَر مجنون ولا عارف تتكلم وكنت َللنكت لقيَة دة منظر حاكم ولا عقله كله خلاص عرف انك فيها عشان عميل للولايات الأمريكيَة قلتوا تونس ومصر خونة قوَموا الثورة لو كدة مكانوش بعتوا قوافل طبيَة مصر أخت كبيرة ومع كل دولة فقيرة كانت ولا غنيَة المهم الدم واحد والكلمة واحدة والأمة برضه عربيَة هددت وضربت منفعش رجعت اتمسكنت بعد إيه لما خللتها دمويَة؟ اتأخرت أوي ومحدش فيها هيرضى ان دم ابنه يكون ع الارض رميَة هددت تدك المدن آل إيه زي ضربة البرلمان الروسيَة ليه العنف دة مش قادر تشاركهم رزقها هي كانت لابوك وسيَة؟ قالولك إرحل اتضربوا وماتوا بس مش راجعين وهيكملوا مع الشباب الفتيَة اسمع لهم وسيبها وكفاية عليك المليارات الدولاريَة استحلليت مقدراتهم ونسيت ان اللي جه م السَحت مصيره نار جهنميَة الله يرحم عمر المختار عاش قائد حر ومات شهيد بعد ما غلَب إيطاليا المفتريََة جيت حضرتك تصدَرلهم البترول بأكبر النسب المئويَة ولا كإن ناس راحت ولا دم سال عشان تحرير الأمة الليبيَة بتقول اللي ميحبنيش يبقى معمر ميستاهلش العيشة ديَة طب ماهو محدش بيحبك يالَلا امشي ولا موت وخد ولادك وعصابتك الغير آدميَة عاوز توقَع بين الشعب وطوايفه وتقول معايا القوة القبليَة محدش معاك وكلهم إيد واحدة تحت راية إسلاميَة آل اللي مش مطاوعك يبقى مخرَب ومن جماعات إرهابيَة وعلَقت حجتك على شماعة القاعدة اللادنيَة أي كلام مش مفهوم وملوش أساس ودماغك برضه مهويَة الناس بتضحك على كلامك اللي لا منَه جملة إسميَة ولا فعليَة الله يكسفك عرَيت شعبك وهما أمة محترمة سلميَة قالوا "قذافي يا مهبول قائدنا هو الرسول" ودي كانت بعض الألويَة ليبيا قالت إرحل بدل ما نعمل لك مشنقة صناعة وطنيَة شنقت ولاد مساكين زمان طلعوا مظاهرات وكانوا مجرد جماعات طلابيَة شنق وضرب وقتل ودبح وحرق كل دي شهية دمويَة؟ ولادك زيك النفسية والكلام هي إيه وراثة عائليَة؟ دماغهم باظت من عشرتك حتى أختهم بتتجسس عليهم وتديك الإخباريَة واحد مش في دماغه ومقضيها سهرات أوروبية ليلَية وواحد كل دماغه لعب وحياة كرويَة والكبيرعطشان للحكم والفلوس واخدها منك غيَة محدش بيحبهم لانهم نسلك وورثتهم الكراهيَة خافوا الله يا حكام العرب وكفاية ظلم وحب لدنيا فنيَة عينيكو اتعمت من كتر الفلوس والسلطة وبقيتو ضلاليَة حاسبو نفسكو قبل حسابكو الدنيا خلاص ولا لسَة طمعانين في زيادة شويَة ثورة كل بلد قامت من ظلمكو مش إرهاب ولا أحزاب سياسيَة تونس شعبية ومصر شعبية وليبيا برضو شعبية ليبيَة