كنت قاعد زهقان .... ومن حالي قرفان .... ومش لاقي انسان .... يحس بحال واحد تعبان .... ما الكل يابا من حاله عيان وفجاه لاقيت مصباح علاء الدين .... مصباح الاحلام و الامنيات .... خلاص مش حبقى حزين .... ما انا حغير حالي وكل الحجات .... وحلف العالم واشوف ناس تانيين وقلت للمارد .... انا زهقان وشارد .... ومن غير متعاند .... انا هنا مش قاعد حلف الدنيا ومش معاود قالي انت الخسران .... قلت له انت غلبان .... انا يا عم هنا قرفان .... يلا يا عم مارد كنت فين من زمان قالي على فين ... قلت دوله عربيه ماهم للغتي فاهمين .... ويلا خدني لاخواتنا التونسين ببص واحنا طايرين .... لاقيت ناس كتير ماشيين .... ايد في ايد ماسكين .... وعسكر واقفين واسلحه ماسكين .... وبيضربوا المساكين .... ورئيسهم وعائلته التافهين .... في السما طايرين .... من بلدهم هربانين .... بفلوس ناس غلابه على الارض قاعدين يانهار طين واحنا راجعين .... ببص على ولاد عمي الليبين .... لاقيتهم مطحونين .... بصواريخ ودبابات والدنيا عجين .... والشهداء في كل مكان باينين .... وقائدهم وولاده ماسكين علم وفرحانين .... والناس رافعة علم الحريه ومستبسلين .... العالم يقول للقائد يا سيدي يمين .... وهو وعياله في الشمال بصين .... يانهار حزين عديت على مصر بلدي .... ما انا لازم اعدي .... اطمن ومش بيدي .... ما انا لازم احن لبلدي .... هيه هيه الجلابيه يا ولدي .... ناس بتاخد من الشعب ومش عيزه تدي .... والناس وقفت بتحدي .... للحراميه الي سرقوا ارضي .... وخلعناهم وفرحت منا محدش ادي .... منا وابويا وجدي .... حنغير اي ظلم حيعدي .... و 25 يناير يوم التصدي .... مش حيتنسي من عندك وعندي .... يارب اهدي و فلسطين العربيه .... هي نفس القضيه .... من سنين ظهره ومش مخفيه يهود بتقتل بطريقه غبيه .... والعالم بيتفرج ببرود ياعنيه .... حتى العرب ملهيه والقدس الابيه .... مات عشنها شهداء الحريه .... يارب انصر الاسلام نصره قويه ويلا على اليمن يا عم .... رحت لقيت هم ما يتلم .... ريس قاعد معندوش دم ومغرق ارض بلاده بالدم .... وكل الشعب اتلم .... بيقولوا امشي يا عم .... وهو اعمى اصم .... ينهار غم هو الخليج ناسوا طيبين .... ورحنا البحرين .... ناس كتير عايزين .... تغير وللحق عارفين .... بس بردو مساكين .... قاعدين في سلام مضروبين .... يا صلاه الزين والمسئولين عملوا مش سمعين .... بس فالحين .... يلموا المصابين ارحمنا يارب العالمين لا يا مارد لا .... انا مش ناقص معاناه .... ومش عايش اشوف ماساه هو في ايه .... الظلم ده ليه .... مكنش دينار وجنيه .... تقتل عشانه يا بيه لا ياعم خش المصباح .... ما بعد الليل حيجي صباح .... ايوه الي راح راح بس اكيد بعد الحزن في افراح والظلم ليه نهايه .... مهما طالت الحكايه .... وكل مناك ومنايه .... لا حيجي بسحر ولازم ليه بدايه اعمل الي عليك وحعمل الي عليا .... ما هو لازم بردو نيه .... ونفوس مؤمنه وتقيه تغير من نفسها محنا مش حنغير البشريه ربي وربك بس قادر .... وهو الناهي والامر .... واقوى من اي غادر
