انتقد الإعلامي أحمد موسى غياب الأمن بعد الانفجار الذي وقع أمام دار القضاء العالي، الاثنين، قائلًا: «البلد هتروح في ستين داهية» وقال «موسى»، في برنامجه «على مسؤوليتي» على قناة صدى البلد، مساء الاثنين: «دي الجريمة الثالثة ومنتظر الجريمة الرابعة تحصل، ولا حد بيسأل ولا دولة بتبص، اطمنوا على النائب العام إيه المشكلة، أطمنا على النائب العام، حمدلله على سلامة النائب العام، لكن الموضوع مش اطمئنان على النائب العام، وفر الأمن، إذا أنت امبارح سامح لمجموعة خالد على ومجموعة رايحين يشتموا الدنيا كلها هناك، سامحلهم يقفوا، إذا أنت خايف من الموضوع ده» وأضاف: «أنا بقولكوا كلكوا خايفين من أول الرئيس لأصغر واحد، بصراحة يعني بتخافوا من شوية عيال يطلعوا يشتموا، ومش عايزين تاخدوا إجراءات ولا بتطبقوا قانون ولا بتنفذوا». وتابع: «إنو ناس تقعد جنبكوا تقولكوا شوية كلام نطلع نشتم في الناس كلها، نطلع نقول لا نطبطب على الناس، طول ما أنتوا بتطبطبوا، وأنا بكلم الرئيس دلوقتي، طول ما حضرتك لحد دلوقتي مش بتطبق الإجراءات صحيحة، البلد هتروح في ستين داهية». اشترك الآن لتصلك أهم الأخبار لحظة بلحظة
