بس بفكركم...ابعدوا عننا أحسنلكم وإن دمتم في يوم الغضب بقينا... بلد ليها صاحب... وشعب له ثمن إحنا مش جيل كاره كل قديم وبيلعَن كل مُعلم عَلَمِك يا بلدي إللي نفسي فيه، عَلَم بِلَادِك في 23 عَلَم حَقيقي، مش أبيض واسود وأصفر ونسر ضعيف شكله أهطل قوم يا مصري مش نشيد الوطن مش بليد كنت يئست قبل امبارح كنت زهقت تعبت قرفت فجَّرَها ناس سطحيتهم إتِّهام عَجزُهم مش ظَلام فَرَغهُم بس إبتلاء حَوِلنَا النَقمَة، لنِعمة فايس بوك تويتر ببي ولا إيميل كله بيينا اتحول وبقي خير ولا مِّنَا حَد إتهَوَر صِحِينا صَرَخنَا هَتَفنَا بوَقفه أصل فَرَاغنَا أصبح بَلاغنا جِدِيِتنَا دِلوقَتِي قَتَلِتهُم لَملَمِتنَا فَرَقِتهُم بَّطَلنَا نِعَانِد نَفسِنا يِركَبنَا يأسِنا بَّطلنَا نقول كل حاجة ونِجري نِعمِل عَكسها نِفهَم، وانطنش نِعرَف، بَس مَايهِمِش أول مرة يا بلدي أفرح شوفت لمَّه مش في رمضان كلمه واحده مش في أزمه هِتَاف مش لتريكه ولا صرخه فماتش كورة عَلِمُوا قلوبنا القسوه لما كنا نسينا البَسمه كَرَهُوَنا في نفسنا حياتنا ورُخصنا سَمِموا عقولنا بمافيش فايده كرهوا عِيَلنا في بلادنا مش صعب ولا مستحيل بقي كلام سكيير سدُّوا ودَّنْا تعبوا بدَّنَّا لأول مرة غيرة صح تقليد أصح ملقتش فيكي فتنة لقيت فيكي وحدهٌ حقد تبقي ربُّوه عالغالي لما لخبطه كل عزيز وغالي مين مسكين ومين مظلوم مين سارق ومين مسروق ما لقتش حرامية المظاهرات ولا بتوع عايزنها محجبات ما لقتش بنت كنيسه وبنت جامع لقيت فيكي كله سامع ملقتش فيكي راجل شايف ست في طابور كله لت في لت لقيت فيكي بنت وطفلة وست جنب الولد الراجل الأب والجد مالقتش فيكي فرق ما بين دكتور وغفير ولا الصغير والكبير مالقتش فيكي غير حرية مرأة قلوب رجاله، كُبرها ساع بناتنا وولدنا هَتَف ورَاهُم شَّجعهُم حَمَاهُم مش عشان عندي عربية باكل بشتغل وباتكلم انجليزيهٌ بروح نادي و بصيف في وادي بفهم كمبيوتر وليَّه صفحة وإيميل عندي بكره، عيله وعزوه لمه كبيرهٌ ووسطه متينه مش عشان أنا دول... أبقي مش من دول نقمتي تبقي نعمتي نفسها و بيها معاهم نعمل بكره فعِزَهَا إللي عنده كلمة تشَجَع يقول وإللي عنده رأي سلبي يا ريت يغور ماعدش يأثر فينا ماعدش يِهِدْ، إحنَا خَلاصْ جِينا مش هنتكمم تاني مش هنتوه في ثواني مش كل ثورة، ثورة جياع ثورة الظلم، أشد من ثوره الرِعَاع الجعانين عايزين ياكلوا بس الشَبعانين عايزين يِِصحُوا عايزين عَدل حُرية ومُساواه مُساواة الظلم أصله عَدل وحياهٌ الناس ما فيها أي عَدل مش هردد كام ألف بيموتوا من الفقر من الظلم، التعاسة، من الجهل من الاكتئاب وضعفه ظُلم الرجال وأرَفُه ولا هقول كام ألف معاهم فلوسنا كلنا مش هقول ليه ابني خايف من بُكرة في حُضنِنَا ماهو بياكل شارب نايم مرتاح معمُوله كَمِين لكُل فَرَاغ أصله عارف واخد حَقه من مين وإن جنينته إللي نفسوه يروحها ما فضلش فيها غير كلب حمار وأسد وتنين الكلب هو الساكت الحمار هو الغافل والأسد هو الفاسد مش شخص ولا حتي قضية حَدث أو حتي أُغنيهٌ ْدي حكاية فَساد فَش وعَام بِلُودْ طَاح وفَاح حكايهٌ.. مَرَرِت الِلسَان ضَيَعِت.. الكلام حتي شعاراتنا ومصطلحتنا عِرفوا يخَلوها من ضمن مجوهرتنا بخ بخ قول، عبر خلص ولخص ارتحت؟ طب الحمد لله لأ... كفاية مش هتبقي اسم الحركة كفاية مش كلمهٌ، كفايهٌ مش حركهٌ فِعلِنَا هو الحركهٌ بيكفي باللبناني وبيزيد بالتونسي والرحمة بالعربي إحنا بلد ليها صاحب... وشعب له ثمن بقلم شيرين مصطفى
