«أحمد» ل«حنا» أكثر من جار.. «كوهين» تابعهم استجار.. حاول يفرق بينهم فكر.. عمل كإنه مفتى الدار.. «أحمد قال لحنا» نداء.. «كوهين» كلامه لينا عداء.. «حنا قال لأحمد» بيلبس.. لكل مناسبة لون رداء.. «أحمد وحنا» قالوا منين.. بيدخل ما بيننا العم «كوهين؟».. العمر كله عايشين واحد.. عمر ما كنا فى يوم اتنين.. «أحمد وحنا» فى الأعياد.. «كوهين» يحاول يبقوا بعاد.. «أحمد» راح نده على «حنا».. قالوا له هناك قبل الميعاد.. «أحمد» راح يقابل حنا.. وقف «كوهين» وقال له استنى.. «حنا» شاف «أحمد» جرى له.. قال «لكوهين» ما تبعد عنا.. «حنا وأحمد» بالأحضان.. «كوهين» بعيد واقف غضبان.. «أحمد» أهدى فانوس «لحنا».. بمناسبة شهر رمضان.. «حنا» كان أهدى له فى عيده.. سعفة «لأحمد» كانت فى إيده.. رفعوا السعفة والفانوس.. قالوا بكده «كوهين» حانكيده.