أمي الحبيبة أرسل إليك كتابي هذا من قاهرة المعز بعد غياب عنك أكثر من ستة اشهر كنت أجهز فيها نفسي لدخول الانتخابات، واليوم حينما ظهرت النتيجة اكتب إليك أبشرك بأمور لم أكن أتوقعها أن تحدث لي، فذهبت إلى الحزب لكي انضم إليه لكي يرشحوني في الانتخابات ولكن الحزب رفض فصممت أن ادخل الانتخابات بنفسي خوفا بان أعود إليكِ وأنا مهزوم، فقمت بالتقدم لترشيح نفسي في نفس الدائرة التي كان الحزب ينوى إن يرشحني فيها وقمت باقتراض مبلغ من المال بلغ 20000 جنية من البنك ورافقني في الحملة بعض الناس لم اعرفهم من قبل وكانوا يعملون معي بهمه ونشاط لم أراه من قبل وبالرغم من اننى كنت واثق باننى سأخسر الانتخابات لان ما اعرفه في الدائرة هو اسمها فقط ولكني توكلت على الله وقلت أنا وحظي في الموضوع الذي أظن بأنه فاشل من وجهة نظري، المهم وحتى لا أطيل عليك وجدت نفسي اسمي موجود في الإعادة للجولة الثانية تقوليلى يا امى ازاى معرفش، وبعد ها جاءت الجولة الثانية وكنت وقتها أترقبها في التليفزيون لانى بصراحة معرفش حد في الدائرة وبعدين لقيت اسمي فائز ازاى معرفش ولما سالت ده حصل ازاى قالولى إن أحزاب كتيرة انسحبت وناس مستقلين انسحبوا وبقيت أنا ومعاية مرشح تانى في الجولة الثانية ولما حاولت اعرف ازاى كسبت في الجولة الثانية قالولى ده رزقك يا بنى ادم وجالك وبسرعة روح طلع كارنية العضوية واعرف الكرسي بتاعك مكانه فين , وأنا ما كدبتش خبر روحت بسرعة وعملت اللازم بس لقيت ناس كنت بشوفهم في التليفزيون شكلهم جميل ولما قربت منهم لقيتهم ناس عاديين جدا زينا يا أمي بس في موضوع مهم حصل منى لما قدمت إقرار الذمة المالية الخاص بى كتبت فيه الكتير زى ما الناس نصحونى اعمله وكل يوم باذهب للمجلس لحد ما الناس زهقوا منى واتصورت في المجلس كثير وبعتلك صور منها. بصراحة يا امى أنا عاوز اخذ رايك في موضوع مهم جدا أنا عاوز ارجع في كلامى وارجع القرية تانى ولا عاوز مجلس شعب ولا غيره أنا عاوز اعيش زى ما أنا كنت عايش بس خايف منك لاحسن تغضى على لان اللى شوفته وعرفته لا ينحكى ولا يتقال لحد، دي دنيا تانيه مش بتعتنا أنا حرمت حرمت حرمت تانى اعمل الكلام ده وأنا راجع تانى ليكى يا امى قريب جدا وسمحينى في الموضوع ده وادعيلى ربنا يفرج على همى ،وفى النهاية اوعى تقولى لحد الوضوع ده يا امى، امنتك امانه يا امى. ابنك البار عضو مجلس الشعب مؤقتا بس