آه يابلد كان فيكى زمان ولد ابوه كان راجل راجل ولا العمد الواد زى ابوه ناشف وجلد وميخفش ان يقول الحق حتى لو اتجلد كبر وراح الجامعه وضهرو اتصلد فقير فقير بس نفسو اغنى من العمد ولما شاف الظلم فى البلد صرخ صرخ آه رايحه لفين يابلد هو انتى مكتوب عليكى الظلم للابد سمعوه فى المركز قالو هاتو الولد اخدوه وضربوه وعشرين سنه سجنوه طلع لقاهم هما هما متغيرش غير ابوه اللى مات عليه كمد ولاكن الواد راجل وصمد وصرخ تانى اصحى يابلد اصحى يابلد وطبعا محدش سمع الولد ورا جبن الناس قتلوه يجى ميت رصاصه خرموه وقالو دا كان كان كان يخرب بيت ابوه وآه يابلد