عمر ما حد شاف طول عمره ولا ها يشوف زى.. الساجدين لعب.. وفن.. متعة.. بطولة روح.. وعزيمة.. وصبر.. ودين رجّعوا لينا تانى البسمة ومحولنا حزن.. السنين أعطوا لبكرة أمل وطموح ومَ عُدناش منه.. خايفين كل الدنيا بتشهد لينا وهتشهد ليوم.. الدين ما فى حد زى.. المصرى ف قارات العالم.. كاملين لا نسور.. لا تعالب.. لا أسود ولا أفيال زى.. الفراعين ماخسرناش المونديال دا الفيفا هما الخاسرين أرقام قياسية بتتحقق يصعب كسرها مهما كان سابع بطولة لأفريقيا وتالتة على التوالى كمان والكاس المرة دى هيفضل على أرضنا طول الزمان وتسعتاشر ماتش أفريقى من غير ما يخرج خسران أقوى هجوم ودفاع وحراسة وأكتر لاعب جاب اجوان وهدف عبد الشافى التالت ف مرمى أبناء رابح سعدان سبعة وتلاتين لمسة كورة متتالية من غير قطعان وعميد أفريقيا ووصيفه أحمد وحسام الحسنان مية وسبعين ماتش لعبهم وكمان ضاف عليهم اثنان وأربع منتخبات لأفريقيا قهروهم أبطالنا الشجعان غانا ونيجيريا والكاميرون وثعالب صحراء وهران هيمثلوا قارة ف كأس عالم حسرة على ظلم الزمان رفرف يا علم مصر بقوة واشهد على مر الأوقات مليانة بكنوز يا بلادى مُش بس تلات أهرامات محفوظ عقاد والأبنودى وزويل وبرادعى وسادات ثومة وحليم والسنباطى وتريكة وشحاتة وبركات ومعاهم جيل م الساجدين رجالة ف وقت الأزمات لا دروجبا ولا صامويل إيتو وحليش وبو عزة دول مين لو حبينا نقارن بينهم وبين ولاد مصر الغاليين دا إحنا عندنا زيزو وجدو وشحاتة علِّم المعلمين والله ولا كنوز الدنيا بتساوى ضفر المصريين عماد لطيف رياض- أسيوط - أبوتيج [email protected]
