أنا مصرية.. وأبويا كان مصرى.. وجدودى لحد مِيّة.. ماعشتش الملكية وميلادى كان بيهتف جمهورية.. تعليمى كان مجانية وفى حياتى وكل شغلى مِيّة مِيّة.. لا أعرف يمين ولا يسار ولا عمرى كننت حزبية.. ليه رأسمال يتحكم فِيّه.. أنا بنت الاشتراكية.. إوعى تقول شيوعية.. وما الأمر شورى وربى يرضى علىّ أراعى كل شعبى.. والفقير قبل الغنى دى قاعدة شعبية.. أنا الحق.. أنا العدل.. أنا الضمير.. أنا صوت الإنسانية وأحب وطنى وأخاف عليه بدراسة علمية.. ونيلى وحدودى وسمايا ووجودى وحياتى حرية.. ماتقولش إنتى مين إنتى.. دى سياسة دولية.. من عهد مينا لحد سعد.. وفى أى عهد.. أصولى فرعونية.. عدلوا الدستور.. سيبوا النسور تطير بحرية.. دى مصر قبل الجميع.. ومصر فوق الجميع.. دى كرامة دولية.. وهى دى الوطنية.. وأنا مصرية! بهية عبده إسماعيل منطقة ضرائب دمياط