اصحى وسبّح رب البرية مشيت أرتّل وأنشد وأجوّد وصوتى يجرى بين النواصى هنا بانقّر.. هنا باعوّد هنا باحوّد عن المعاصى لو كنت بحرى لازم أقبّل وإن كنت قبلى.. لازم ابحّر ولحد آخر نفس فى صدرى هاشد قلبى وتر وأسحر يا مصر قومى وشوفى نيلك يا مصر قومى وضمى سينا نهر المحبة بينتمى لك يا مصر شوفى إحنا فين رسينا مصر البهية.. بالعقل هية ف الذكر آية.. ف العشق غية اصحى وسبّح رب البرية.. ■ ■ ■ مسحراتى حن يحكى لحبايبه عن شعراء صوتهم أغانى ■ ■ ■ رق الحبيب يا رامى إزاى رق الحبيب؟! إنت اللى كنت رامى سهمك، ولا النصيب؟! هو اللى بينكو جمّع وخلّى العين تدمع وخلّى القلب أن العشق ف كل ناحية مرسى جميل عزيز وهانسمع «سوف أحيا» فيروز.. حفلة باريز «طيّب يا صبر طيّب» مستنى ميعاد قريب قلب الحبيب يحن ■ ■ ■ سيد حجاب وصفها سمرة وبعيون كحيلة وردة شعر وقطفها حلوة وحرة ونبيلة يفتح زرار قميصه ويقول لمشاعره هيصوا دا إحنا ف أجمل وطن ■ ■ ■ يا حسن يا مغنواتى أبو عتمان كله رحمة عرباوى وعاش يهاتى زحمة يا دنيا زحمة زحمة وتاهوا الحبايب وليه الحب غايب؟! على أهل الحب ضن ■ ■ ■ «سواح» وبلاده جنة ماشى ف ليل الأمان محمد حمزة غنى «حكايتى مع الزمان» حكايتنا هية.. هية غنوة ملائكية صبحت طنين وزن ■ ■ ■ مسحراتى ف الذكر هايم والنسمة حلوة ولا حد نايم والكل صابح معانا صايم ف الفجر يدعى ويقول يارب رمضان يا أكرم م الشمس ذاتها أرواحنا عندك تبدأ حياتها والنفس راضية تلحق ما فاتها تطلب هداية وتقول يارب المصرى بنّا وفلاح وجندى وعندى جامع.. وكنيسة عندى الرحمة من دا.. والحب من دى ومن قلوبنا بنقول يارب