"فيس بوك" :"بطوط" يُعرب عن أسفه لخسارة "عكاشة"

لم يفوت ظرفاء موقع التواصل الاجتماعى "فيس بوك" خسارة توفيق عكاشة بعد حصول قائمة حزب مصر القومى على 112 صوتاً بالدائرة الأولى بالدقهلية ومقرها منصورة وبلقاس ونبروة، حيث كُتب على صفحة توفيق عكاشة – قذافي مصر- توفيق عكاشة يحصلعلى 112 صوتًا فى المنصورة، وعمرو مصطفى يسأل: عايز تقوللي 11 فبراير، وعلق محمد العربى: دونالد دك يُعرب عن أسفه لخسارة عكاشة.
وعمر بشير: والت ديزنى تعلن عن مجموعة أفلام جديدة: ليلة بكى فيها البط - انتف ريشى - الطريق إلى بلقاس والمفاجأة الكبرى الفيلم الوثائقى الخطير تاريخ الماسونية فى المنصورة.
وغنى عيد عبد الله: بطتي ودموعي وابتسامتي، كفاني يا بط، دموع البط، ضاع البط يا ولدي، البط في طريق مسدود، البطة والذئاب، شىء في بطي، العذاب فوق بطة تبتسم، هنشوف الأفلام دي كتير على الفراعين الأيام الجاية.
وعلقت صفحة كارهى توفيق عكاشة على خسارته، قائلة: انتوا فاكرين إن عكاشة خسر الانتخابات.. بالعكس... ابسوليوتلى.. الانتخابات هى اللى خسرته.
وقالت دنيا أحمد معلقة: عكاشة: عارف يا سي البرادعى حزمة الجرجير فيها كام عود؟.. البرادعى يخرج عن صمته: أكيد أكتر من الأصوات اللى أنت خدتها فى الانتخابات.
وكتب محمد على تعليقاً على طريقة عكاشة: عكاشة أخذ 112 صوتا.. منها 144 صوتا باطلا.
وقال أحمد خالد: أنت اللى غلطان يا عكاشة فى حد بينزل الانتخابات ببنطلون ع لحم وعباية بكباسين.
وعلق حسن مصطفى: بنقدم تهانينا للفراعين الأصليين وزغروطة ياست نفرتيتي.. وأخيرا نقدم اعتذارا لأهل الدقهلية.. اللى شكينا فى لحظة أنهم ممكن ينجّحوا الشخص ده.. سبحان الله.. الوحيد اللى اتفق الإخوان والليبراليون والسلفيون واليساريون عليه فى ليلة بكى فيها بط مصر.
وكتبت مروة سعد بعد النتائج غير المسبوقة لتوفيق عكاشة، قررت اللجنة العليا للانتخابات عمل مقعد شرفى له وهيقعد لوحده خالص فوق قبة البرلمان.
كما قام شباب الفيس بوك بتصميم صورة دونالد دك يقتل فيها نفسه بسبب خسارة توفيق عكاشة فى الانتخابات.