كان الواقف بينها وبينك كُل الناس لمَّا طووا الأحزان في جبينك لمَّا حنين القلب انداس غرَّق كُل الشوق.. في دموعك خبِّي حنينَك جوَّه ضلوعَك حُط في عِلمَك إن الصعب عليك.. مش غُربه إن الصعب عليك إحساس جوَّه رجوعَك إن الأصعب.. إنَّك ترحل من جوَّاك إن سنين العُمر الجاية تستناها وتستنَّاك أو تفتِكر إنها عشقاك لملِم كل خيوط الرحلة وقت ما تعرف إن ما فيش حد حيفضل لك غير الذكري الحلوة معاها غير الذكري الحلوة معاك تسكُن ضِلَّك آه ع القلب لمَّا القلب يدوسه الحلم يبقي صحيح الجرح دا عِلم لملِم آخر طرف حنينَك واطوي الصورة اللي بتفرد أحضان بُكره بينها وبينَك واحدف كل حروفها بعيد تلقي الكلمة بقت تغريد تسكُن كل عواصم قلبك وحدَك .. وحدَك وابني السور.. في براح تكوينك. كلمات: كرم فصاد