اشتعلت الحرب الكوميدية الساخرة علي صفحات مواقع التواصل الاجتماعي "فيس بوك" و"تويتر"، فى الوقت الذي تشتعل فيه الاحداث والتهديدات بين الجانب الكورى الشمالى والولايات المتحدةالامريكية. ومن ابرز تلك التعليقات الساخرة: - العالم كله مرعوب من حرب عالمية تالتة و حرب نووية شاملة ماعدا الشعب المصري نفسة الحرب تبدأ علشان يلحقها من اولها.
- انا اللي صعبان عليا الجنود الامريكان كل مايقتلوا واحد كوري ويشوف واحد تاني يقولوا انا مش لسه قاتلك من شوية
- يا خوفي بقي ل يكون كل ال بيعمله الرئيس الكوري ده كله "كذبة إبريل"
- عاجبنى اداء الرئيس الكورى اوى ...وعلى فكره انا مش كورى بس بحترمهم، على فكره انا مش اخوان.
- بيقولك الإدارة الأمريكية تبحث حظر الفيس بوك في مصر للتركيز في حربها مع كوري.
- عاجل | المحكمة الدستورية الكورية تلغي قرارات الرئيس بإعلان الحرب على أمريكا
- الخوف ان كوريا تطلع اي كلام ونلبس في لاجئات كوريات
- قطر تتطلب استضافة الحرب العالميه التالته بين كوريا وامريكا على ارضها
- شباب الثورة في كوريا محضر جرافيتي واحد بس للشهيد وبيغيروا في الاسم
- كنا هناخد الدورى قامت ثورة فى معظم الوطن العربى قولنا صدفة عااادى بتحصل : انما حرب عالمية تالتة عشان كسبنالنا عشرة خمشتاشر ماتش حرام وربنا، ربنا ميرضاش بالظلم.
- من كوريا شمااااال ... بنهز جباااال .. وبأعلى صوت يونج قاهر الادغاااال..يا كيم يا كبير ..ياكيم ياعظيم..اديله نووى وبردو قليل.
- لو الجيل بتاعنا كان عايش ايام حرب اكتوبر و عمل الالش ده على اسرائيل كان زمان شارون و جولدا مائير و شيمون بيرييز انتحروا بسم فيران ووفروا علينا.
- لفي بينا يا كوريا دوخينا يا كوريا هاتينا شمال شويه هاتينا يمين شويه ادينا عايشين يا كوريا.
- والله انا خايف الحرب تشتغل من هنا يقوم النور قاطع.
- كوريا لو شافت الالش اللى المصريين عماله تألشه هتقلب الحرب علينا.