طالب الرئيس عبد الفتاح السيسي، خلال كلمة وجهها للشعب ظهر اليوم، السبت، المصريين بالصبر على أزمة انقطاع الكهرباء المتكرر، مُضيفًا "المصريين محتاجين يقفوا ويصبروا ويجاهدوا، من فضلكم اصبروا ولازم تكونوا واثقين إننا هنتغلب على ده، لكن مش هنتغلب عليه في شهر ولا اتنين أو ثلاثة". وأضاف "فيه ناس عاوزة تعرقل حل المشاكل عشان الشعب يتأثر ويكون غضبان ومستاء وزعلان، إحنا بنواجه حاجات كتير، إحنا بنحارب معركة وجود بدأت من سنين طويلة فاتت لهدم البلد، ودلوقت بنحاول نوقفها ونرجعها تاني، بس إوعوا تتصوروا إن ده سهل، لكن هياخد وقت وجهد". وانتقد السيسي تغطية الإعلام لأزمة الكهرباء، قائلًا: "لما ألاقي في الجرنال عنوان "الحكومة منورة"، تعامل الإعلام مع الأزمات لا يتم بأسلوب تاريخ المشاكل". وتابع السيسي: "عندنا أكثر من 4500 قرية وفيه أكثر من توابع لها أكثر من 40 ألف تابع على خريطة مصر، قد إيه منهم معمول فيه صرف صحي 10% ولا20%؟" وأضاف أن "الصرف الصحي معمول ل20%، وغحنا بنتكلم في المليارات وإذا موجودة هنعمله، وهفكركم الموازنة 4 أقسام قسم منه الربع، عجز، وأنا مابنساش، والربع الثاني خدمة الدين لكن الدين بيزيد، وربع للدعم، وكلمتكم عن موضوع الدعم، وخففنا خمسه، وعمل الآثار اللي بنتكلم فيها، وفيه ناس مساكين كتير ولازم نخلي بالنا من ده، بس بقوله عشان نفتكر مع بعض". وأكد السيسي "المتبقي مش كتتير عشان نخش على مرفق، وبنتحرك للإستثمار وفي كل اتجاه عشان نعظم الموارد اللي بتيجي في مصر، وكنت بتكلم مع وزير التربية والتعليم وكان المخطط نعمل 100 أو 150 مدرسة كل سنة، ونجحنا نعمل 1150 مدرسة في السنة دي، رجال العمال دفعت، والأشقاء ساعدونا وكلمني في إن 51 ألف مدرس عايزنهم طيب ما نعينهم، هنجيب المرتبات منين، واحد يقول الكلام مايتقالش، لأ الكلام ده يتقال".
