- يعنى لو شافك وأنتِ متعصبة وبتتخانقى وبتتحولى من (هيام الرقيقة) إلى (حسين البلطجى)، وهو واقف مندهش ويستحملك! - يعنى لو شاف صورك وأنتِ في ابتدائى (وقالك من تحت ضرسه: كنت بنبونيه ياحياتى)! - يعنى لو شافك وأنتِ بتفاصلى مع صاحب المحل وأنت بتشترى بلوزة وبتاخديها بالسعر اللى يعجبك ولو موافقش تسيبيهالوا وتروحى المحل اللى جمبه وهو بيبصلك شذرا. - يعنى صبور وعنده قدرة أنه ينزل يلف معاكِ (ويعمل شوبنج) وهو سعيد ومبسوط وتروحوا في الآخر من غير ماتشتروا حاجة! - يعنى يحب الشيكولاته واندومى زيك ويمكن أكتر كمان (وياكلهم وهو بيسأل نفسه: هي بتحبهم على إيه) (ايموشن عادل إمام)! - يعنى يشوفك وأنتِ بتأكلى "المانجة" ويقول (برضو بحبك)! - يعنى يسمع صوت العصير بيستغيث وأنت بتشربيه بالشاليموه مع آخر شفطة (ويقولك الله عليك)! - يعنى يحس برجولتك قبل أنوثتك ويقولك (يخليك ليا ياحاج أبو حسين)! - يعنى يركب معاك ِ المترو (عربة السيدات) وتقوليلوا تعال (اركب معايا عادى إيه أنت خطيبى...محدش يقدر يفتح بؤه) وتركب معاها وتقول (هي دى اللى هبقى مطمن معاها) وتدفع غرامة وأنت مبتسم! - يعنى يلعب معاك ِ (بلاى استيشن) ويتعمد أنه يخسر علشان بس يفرحك ويقولك (بحب اشوف فرحتك ياهبله) ويقوم يغسل المواعين! - يعنى يجبلك عزل البنات ودرة وحلبسة ويتفرج عليكِ وانت ِ طايره من الفرحة ويقولك (الحلبسة نار ياحياتى أجبلك تانى؟!). - يعنى يأخدك الملاهى وتدخلو بيت الرعب (وتضربيه من غير مايأخد باله) ويقولك مين اللى ضربنى؟ وهو عارف أنك أنتِ - يعنى لو أتجوزك يقولك (انتِ اتغيرتى ليه) تقوليلوا (لا.. أنت اللى اتغيرت طلقني) وفى الآخر يطلقك أو يتجوزك عليك أو يخونك...كده مليون في الميه بيحبك!
