1- نشأة الأهلاوي غير صحية لأنه بيطلع بيلاقي أبوه وأمه واخواته أهلاوية وعمره ما سألهم انتو ليه أهلاوية؟! وبالتالي بيطلع أهلاوي علشان هو بيخاف يواجه الحقيقة لأنه أعتقد والله أعلم (جاهل أو متهور). 2- الأهلاوي متعود على الهوجة والتصفير وباقي العدة(الطبلة والزمارة والأتوبيس المجاني اللي أمام النادي). 3- الأهلاوي بيعشق الزحمة لأنه موش قادر يبقي أهلاوي لوحده لازم يبقي أهلاوي مع الدنيا كلها ولأنه برضه موش عاوز يجيب لنفسه الإحراج لو قابل زملكاوي معرفش يرد عليه (هي النشأة غصب عنه). 4- الأهلاوي ممكن يروح الاستاد بشبشب زنوبة وممكن تلاقيه واخد معاه حلة محشي، ده غير إخواتنا اللي بيقلعوا هدومهم في الاستاد (عمرك ما هتلاقي زملكاوي عامل كده) 5- من تاسع المستحيلات تلاقي زملكاوي بيتفرج على الاستديو التحليلي، خش كده بقى أي قهوة قبل ماتشات الأهلي هتلاقي الأهلاوية نايمين في القهوة قبل الماتش ب 4 أيام. 6- من تاسع المستحيلات لتاني مرة تلاقي 10 أهلاوية على بعض في القهوة في ماتشات بطولة دوري أبطال أوروبا (الكورة هي الأهلي ) على فكرة الزملكاوي بيحب الكورة ويعشقها ويشجعها برضه. 7- لو المنتخب بيلعب وتصادف وجود شخص غريب جنبك، كل ما تيجي الكورة في رجل أي لعيب زملكاوي أو إسماعيلاوي وزمزء اعرف إنه أهلاوي ليه لأنه بيعتبر أي لعيب أهلاوي في المنتخب مصري أصلي، أما لعيبة الزمالك والإسماعيلي غالبًا (أجانب) راجع كتاب التاريخ. 8- أتحدااااك من هنا لبكرة لو وقفت مشجع أهلاوي وقلت له اشرح لي خطة الماتش وشرحها صح. 9- الأهلاوي بيعشق الجمهورية والمساء والأهرام لأن لو الأهلي اتغلب 10-0 هيقولك مليون مبرر للهزيمة ولو اتعادل لأن الفرقة اللي قصاده هي اللي اتعادلت. 10- يحدثك الأهلاوي بفخر شديد عن روح الفانلة الحمراء وقوتها في التأثير على اللعيبة وكمان المنافسين (طيب وبالنسبة لنفس الفانلة في الألعاب الأخرى إيه نظامها؟). 11- الأهلاوي لما بييجي يقرا جرايد بيمر بالمرة على صفحة الحوادث يمكن يلاقي فيها حاجة عن لعيبته. 12- الأهلاوي بيحب عدلي القيعي أكتر من أبوه وأمه.