عبر الأستاذ حسين والد الفنان حسام حبيب عن غضبه من التسريب المنسوب له الذي تم تداوله خلال الساعات الماضية. وقال حسين في تصريح خاص ل"البوابة نيوز":"دي جريدة صفراء بتعيش على الفضائح، وده كلام غير صحيح ومفبرك، ولو ليهم فرع في القاهرة هاقاضيهم". وجاء في التسجيل الصوتي: "ابني حسام بيتحكم بجميع حسابات شيرين عبدالوهاب وبيسحب كل ما يشاء من أموالها، وأيضا حسام ووالدته مبيحبوش شيرين عشان هي كمان كانت ترغب في الطلاق منه". وأضاف التسجيل: "حسام متزوج منها وبيشتغل معاها مدير أعمالها من المفروض بقى أنه يكون له نسبة من الأرباح مثل نسبة مدير أعمالها القديم ياسر خليل، أنا عارف حسام ابني دماغه سم وهو ذكي جدًا ومش سهل، فأكيد هو في دماغه حاجة ومأمن بنفسه جدا، وشيرين عاملة لحسام توكيل بدليل أنه معاه الفيزا بتاعتها وبيقدر يسحب من حسابها، وعارف الرقم السري، بس هو بيروح يسحب الفلوس اللى هو عايزها بس". واستطرد:"إيمان أم حسام مش بتحب شيرين، إيمان تنكة، وعاملة زي المليونير لما يفلس هي صرفت الفلوس اللي أبوها سابهالها وصرفت فلوس حسام، شيرين عايزة تقولها بتتنكي على إيه يا روح أمك ده أنا عزماكي وهتسافري على حسابي والفندق على حسابي".
