قال الفنان عمرو يوسف: «مفيش نجومية مع أمي، هى بتفرح لنجاحي، وأنا من غير دعائها مش هكون موجود، وكلام الدنيا كله مش هيوفي أمي حقها»، مضيفًا: «أنا بس عايز أخلص الشغل الكتير اللي ورايا وأفرح أمي وأتجوز». وتابع «يوسف»، في مداخلة هاتفية لبرنامج «إتفقنا» على «نجوم إف إم»، اليوم الخميس: «أمي ليها الفضل في اللي أنا فيه أنا وأخواتي انهارده، ودلوقتي بشوف التعب اللي بتشوفه أمي مع ولاد أختي». وأردف: «أي هدية بتجيبها للأم بتكون مبسوطة بها، يعني أحنا كنا في صغرنا بنجيبلهم حاجات مطبخ كهدايا، ودلوقتي المفروض نجبلها الحاجات اللي بتخصها، واللي بتحتاجها».