قال الإعلامي أسامة كمال، "زي النهارده سنة 1991 تم حل الاتحاد السوفييتي والعالم كله تعامل مع هذا الكيان كأنه لن تقوم له قائمة". وأوضح كمال، خلال برنامجه "القاهرة 360"، المذاع عبر فضائية "القاهرة والناس"، مساء اليوم السبت، أنه غير مؤيد للاتحاد السوفيتي السابق وسياساته القمعية لشعبه وليس معارضًا أيضًا لأنه كان في فترة من الفترات حليف لمصر، مضيقا "ولكن عايز أسجل إعجابي ببلد انفصلت عنه جمهوريات عديدة وفضل جزء مش قليل من سلاحها النووي ومصانعها المهمة جواهم وتقطعت أوصاله". وتابع: "ولكن اليوم وبعد 24 سنة روسيا الاتحادية استعادت جزءا كبيرا من قوتها الاقتصادية والعسكرية ورجعت مرة ثانية رقما مؤثرا في العالم وتفرض رأيها على الجميع"، مشددًا "تاني كلامي مش تأييد لروسيا الاتحادية اللي عندها مشاكل اقتصادية بسبب عقوبات الغرب وقعها عليها، ولا رفض لها لأنها النهاردة حليف قوي لينا بيساعدنا في بعض الأمور وخاصة العسكرية لأسباب أهمها مصلحتها الخاصة، ولكن إعحابي سببه أن الدولة اللي عندها عزيمة بتقدر تقف". واختتم: "في صمت وهدوء روسيا بنت نفسها تاني، زي ما اليابان عملت قبل كده وألمانيا عملت وإنجلترا عملت وفرنسا عملت".