؟.. منييييين!!، ماكانش اتعذر، كلنا في التسول سوا، ولا تعايرني ولا أعايرك الجيب الفاضي طايلني وطايلك، يااااه على ده حظ، تلتين الموظفين في البلد حالهم ده، منكسرين، منهزمين، محتاجين، عايشين حياة الشقلباظات والجمعيات، والزنقات، شعارهم بعد أول أسبوع قبض: "سلفني شكرًا"، وقناعتهم: لو كان المرتب رجلًا لربطناه في أقرب رجل سرير نحاس، وطموحاتهم: قبض كل أسبوع، وبدلات كل تلات تيام، وحوافز كل ساعة والتانية لمواجهة غلاء الأسعار ومحتاجات شوشو ونونو وتوتو وأم العيال، ودعاهم اليومي: اللهم يا منان خدنا من دنيا الجنان والحرمان، واحشرنا يا كريم في زُمرة الطيبين والمحسنين.