شَكَر الله سعيكم.. منجلكوش ف إعدام.. الجماعة تعيش الآن حالة حزن على المرحوم بديع مرشد اللئام.. توقيت العزا بدأ بتوقيت القاهرة من يومين فور صدور حكم الإعدام على جنابه في «غرفة رابعة».. غياب للكبار في عزا مرشدهم.. الصّويت واللطم على المرحوم قاصر على الشباب وبقايا حطام عناصر الإخوان.. كلام بين المعزين عن صحيان الميت.. ده كلام!!.. وهو الميت بيصحى!!.. جايز.. وجايز هيحضروا عفريته.. وجايز كمان هيعملوا للمرشد تمثال ويشغلوله قلب وكبد وقوانص صناعية.. كله جايز.. لكن اللي مش جايز أبدا وبتاتا أن عمرو دراج القيادي بالجماعة ينجح ف وقف إعدام المرشد.. ومين دراج ده اللي سره باتع ده؟.. أنباء عن سعي عمرو إلى الدوحة وتركيا للواسطة في الحتة دي.. جايبين تميم وأردوغان واسطة.. يا سواسي.. اختيارك يا دراج أفندي خيبة.. استنضف يا راجل.. أقولك ودي نصيحة غالية ، اضرب زيارة للشرعي بتاعكو.. أيوه، الريس كرسي وشورة.. افتح معاه الموضوع.. ويا سيدي أهي زيارة وما خاب من استشار استبنًا ومهفوفًا.. واقعد بالعافية.. نتقابل عند عمك عشماوي.. جهز حتتك الطاتش.. هنديها واحد سيلفي على روح المرحوم.