قصة آسف!

ضد مجهول القضية!!
حد غيرك يامه يحكم ف القضية
أصلي انا معرفش غيرك ...
وانتي كنتي هناك وشايفة
واقفة فوق المشربية
سامعة كاشفة ..حاسة عارفة
للي حاسه.. ولفصول المسرحية
حد غيرك يامه يحكم ع اللي بيه
اللي داق الظلم ؟؟ يظلم للضحية ؟؟
فينه قلبك اشوفه يامه
كيف بقي .. كسواد وضلمة
فين دراعاتك تحاوط
كفك اللي ف كفي شابط
كيف بقم عسكر .. وظابط
وضد مجهول القضية
كنت وحدي يامه واتكاتروا عليه ...
حد غيرك يامه يحكم ع اللي بيه ..
يامه وبنفس السلاح ..
اللي واقف لجل ما حمي بيه ترابك
اندبحت !
واندهست بجنزيراتك
انفعصت !
موته دي ترضيها ليه ؟؟
اللي حازز جوا قلبي ...
كان ف نفسي لما اموت
كنت اموت ع الجبهة واقف بالهدوم العسكرية
حد غيرك يا مه يحكم ف القضية
كدبهم بان ف العيون
والقلوب يعلمها ربي
خيب كل الظنون
والهموم بتزيد ف غلبي ....
الصدق انداس بالجزم
اما النفاق يامه حدانا بالحزم
شابت شعورنا لجل ما تكوني الصبية
حد
غيرك
يامه
يحكم
ف القضية...
شعر
ماجد كمال أبادير