انتقد الإعلامي يوسف الحسيني، ماقاله سعد الشاطر نجل القيادي الإخواني خيرت الشاطر على صفحته على موقع التواصل الاجتماعي "فيسبوك" بأن من يهاجم الإخوان سوف يضرب على "قفاه". وقال الحسيني: " ده الأداء بتاع شباب الإخوان ومنهم ابن نائب المرشد .. أنا بس مش عارف هما قيادات الجماعة من فاضية تربي العيال ولا إيه .. عمري ما هتهكم وأقول عشان آبائهم كانوا في المعتقلات .. ما أنا أبويا وأمي كانوا في المعتقل بس كانوا بيدخلوا السجون من أجل مصلحة البلد .. أما هؤلاء بيدخلوا السجن عشان الجماعة مش عشان البلد". واستطرد قائلا : "الإخوان دخلوا السجن إما عشان غسيل أموال للجماعة .. ميلييشيا للجماعة .. تنظيم عسكري للجماعة .. يا راجل ده انت قيادات من عندك اتمسكت عشان بيشتغلوا جواسيس لل " CIA " .. هتيجي دلوقت تقولي انهم بيشتغلوا عشان مصر". وأضاف الحسيني خلال برنامجه "السادة المحترمون" على قناة "ONtv"، قائلا : "فعلا قيادات الإخوان مش فاضية تربي عيالها من ابن نائب المرشد وابن الريس.. وانت يا سعد بتقول اشتم الإخوان براحتك بس حاسب على "قفاك" .. وانت يا سعد اضرب بالقفا براحتك بس حاسب على ضهرك واوع تكون بتركب الهوا .. وهتتبسط عليا النعمة هتتبسط".