فور إعلان جماعة الإخوان المسلمين ترشيح المهندس خيرت الشاطر لخوض انتخابات رئاسة الجمهورية، قام الفيسبوكيون بإطلاق النكهات و القلشات التي تدل على الاعتراض، نظرا لتصريحات جماعة الإخوان في السابق بأنها لن ترشح أحدا من أعضائها لخوض انتخابات الرئاسة هذه المرة، الأمر الذي اعتبره الكثيرون محاولة لخداع الشعب المصري. وهذه بعض التعليقات المنتقدة لقرار جماعة الإخوان المسلمين: - هو ممكن الاخوان يكون دمهم خفيف و يصرحوا بكره أن .. ترشيح الشاطر كدبة أبريل - طب لما كلنا نموت بغيظنا هتحكموا مين ؟ - سمع هووس ، الشاطر هيترشح ، الشاطر يعنى برافو ، يعنى 10 على 10 ، يعنى فاشل مسمعهاش ، و سمعنى الصقفة السباعية - الجماعة تخالف قرار الجماعة على طريقة .. "أنا مش عارفني .. أنا مش أنا" - محمد بديع بيقول خيرت الشاطر ليه دعوة مستجابة لما اتسجن ظلم دعا على النظام السابق وسقط وانا من هنا بقوله ايوه كده. - البلد دى مكانش ينفع تاخد الحرية كاملة فى ناس لما اخدت حريتها افتكرت البلد بلد ابوها عشان كانوا محظورين الله يرحمك - اللى بيرجع فى كلامه شو بنقوله شاطر شاطر - باسم يوسف: الإخوان ما كانوش ناويين يرشحوا حد للرئاسه بس الشيطان " شاطر" - كيف تعرف انك خروف؟ انك تبقى مستني مؤتمر يقولك انت هتنتخب مين - أحمد العسيلي: إلى جماعة الإخوان المسلمين، وبمناسبة ترشّح المهندس خيرت الشاطر للرئاسة وبعد لجنة الدستور؛ تحبوا نمشي خالص ونسيبكوا براحتكوا؟ - نانسي عجرم.. الراعي الرسمي لحملة خيرت الشاطر.. شاطر شاطر - نمرة حمزة: الإخوان مش هيرشحوا خيرت الشاطر من غير ما يكونوا ضامنين المفاجأة الكبرى: انسحاب أبو اسماعيل..السؤال الذي يؤرقني: مين هيشيل البوسترات كده؟ - طب كانوا يخلوها ملعوبة خيرت الشاطر يقول هيرشح نفسه ويفصلوه ويرجعوا بعد أسبوع يقفوا معاه ! إيه شغل الهواة ده ! - هو حد يعرف ??خيرت الشاطر?? خرج عفو صحى ليه .. هو تعبان بايه عايز اطمن على ميزانية المركز الطبي العالمي بس - احنا نخلي الرئاسة ورديات الوردية الاولى ابو الفتوح والتانية ابو اسماعيل والتالتة خيرت الشاطر والباقيين احتياطي
