ازاي تعيش ب 1200 جنيه في الشهر وتبقى مبسوط وسعيد ؟؟ بصراحة الواحد متضايق من المطالبات المضحكه بتطبيق الحد الادنى والذي قدره الناس وقدرته الحكومه ب 1200 جنيه هل 1200 جنيه مبلغ محترم لتعيش عيشه كريمه ؟؟؟ هل 1200 جنيه مبلغ كبييير ممكن تحوش منه ؟؟؟ هل 1200 جنيه مبلغ ممكن تسافر بيه وتتفسح وتجيب كل اللي نفسك فيه ؟؟ بلاش الطموح الكبير دا ,, بلاش سفر واحلام ,, هل 1200 جنيه تفتح بيت وتاكل وتشرب دون اي مشاكل ومعوقات ؟؟؟ انا عملت الجدول البسيط دا عشان اوريكم ازاي ممكن تعيش ب 1200 جنيه مع الاستغناء عن الكثير من المتطلبات ومع الكثير من السخريه حول هذا الوضع http://imgur.com/uMMJNvH راجع اللينك كان الناتج في النهايه 1238 جنيه في الشهر طبعا دي حياة مرفهه وجميله ومافيش بعد كدا ترفيه ويادوووبك نقدر نقول اننا في مصاف الدول المتقدمه ونعيش احلى حياة في العالم المفروض اننا نروح نبوس ايدينا وش وظهر بصراحة لان الحد الادنى هيطبق ومش مشكله ابقى استلف ال 38 الزياده طبعا مفيش سجاير ولو هتحسب السجاير يبقى حط على الاقل 250 جنيه ماتنسوش طبعا كمان مفيش دكتور ومفيش اعياد ميلاد ولا اعياد جواز ولا اعياد ام ولا اي حاجه وكفايه اوي عليك 50 جنيه في السنه عشان تشتري لحمه العيد وربع كيلو كحك عيد الفطر ... وطبعا مفيش هدوم ومفيش جزمه ومفيش خروج ومفيش كنتاكي ومفيش هارديز ومفيش نوادي ولارياضه ومفيش مدارس ومفيش عيال ومفيش دروس خصوصيه ومفيش باص مدرسه ومفيش يونيفورم ومفيش كشاكيل ومفيش اقلام ولاكتب مفيش حلويات ومفيش تسالي ومفيش كباب وكفته ومفيش نروح نشرب عصير قصب في اليوم بجنيه والفواكه ماتحلمش بأكتر من موز بلدي وشويه برتقال ,, مفيش تفاح ولا مانجه ولا توت ولا فراوله ولااااا الحاجات دي مفيش عسل ولا مربى ولاسجق ولا بسطرمه مفيش تورته ولا جاتوه ولا صوابع زينب ولا صوابع سيد حتى مفيش موبايلات تتغير الا كل 10 سنين طبعا ربنا يخلي 3310 لسا عايش ولو انت بتلبس نظارة ماتكسرهاش وخليك عايش بيها 5 سنين ولو انت ضرسك واجعك قلتلك مفيش دكتور استحمل لحد ماتشيله بزراديه او كماشه مفيش سينما ولا قعده على البحر ولا رحله لشرم ولا برم مفيش زيارات عائليه عشان الميزانيه اساسا مش مستحمله انت بس تروح تعزي ,, لكن تعزم حد او تتعزم لالالالالالا ولاهنروح ماتش كورة ولا هنروح نشرب حاجه صاقعه عند الكشك لاننا قلنا كفايه 2 لتر وتشتريها مرتين في الشهر ومش ناقصه مصاريف ولاهنروح دكتور ولا نشتري دوا ولا نعمل اشعه ,, نروح نموت احسن زي ماقلتلكم ولسا فيه ناس بتقلك يارب يطبقوا الحد الادنى 1200 جنيه واحنا في سنه 2014 والحاجه كل يوم في غلاء وزياده بطريقه جنونيه الحد الادنى المطلوب على الاقل في ظل هذا الغلاء وهذه الحياة غير الكريمه على الاقل 2500 جنيه لاتعليق بقلم الخطير جدا .... بواسطة: Mahmoud Aziz
