مع إعلان بدء الصمت الانتخابي، بدأ الفيسبوكيون التهكم على الوضع بطريقتهم الخاصة، من خلال الصور الساخرة والقلشات المضحكة، ويقصد بالصمت الانتخابي، توقف المرشحين نهائيا عن الدعاية بأي شكل من الأشكال، وعدم تحدث وسائل الإعلام عن الانتخابات، ليمنح الناخب فرصة للتفكير والاختيار. وإليك أكثر القلشات تداولا على الفيسبوك: - الإخوان بيجهزوا فيديوهات للدعاية بلغة الإشارة استعدادا لمرحلة الصمت الانتخابي - يعني ايه لو حد اتكلم عن الانتخابات تقوله أترضاه لمرشحك - كل واحد يقول خلاص اخر قرار ليه هينتخب مين بس محدش يعمل صوت علشان الصمت الانتخابي اللهم اني صامت ? - اللي هيكسر الصمت الانتخابي هيدفع تمنه. ومش هيسترد التأمين - الصمت الانتخابي ...... يعني المرشحين يطلعوا يكلمونا على التلفزيون ب الإشارات - بكره ان شاء الله هنوزع فلايرز و بوسترات و احنا ساكتين .. التزاما بالصمت الانتخابي - هل سيكون الشعب المصري الوحيد اللى مستني فتره الصمت الانتخابي عشان يبتدي ينزل الشارع ويعمل دعاية ويلزق بوسترات للمرشح بتاعه ؟...زي حظر التجول كده ؟