تصوير سارة عبد الباقي: أشاد مرتضي منصور رئيس نادي الزمالك بتنازل أحمد حسام ميدو المدير الفني للفريق، عن مستحقاته المالية لدى النادي والتي كان من المفترض حصوله عليها نظير لعبه في صفوف الفريق في عهد ممدوح عباس رئيس النادي الأسبق، مقارنًا موقفه بموقف اللاعبين المستغنى عنهم مؤخرًا وهم أحمد سمير ومحمود فتح الله وعبدالواحد السيد. وقال مرتضي خلال المؤتمر الصحفي الذي عقده بمقر النادي: "اهو يا استاذ عبدالواحد اهو يا استاذ فتح الله اهو يا بلجيكي ياللى واخد عضويتك من مراتك وكانت مزورة"، في إشارة لأحمد سمير. وتابع مرتضى: "اتمنى بس ان الاخوه دول يهدوا واللى مش عاجبه يشتكي، اتحاد الكرة عنده والاتحاد الدولي عنده، ولكل فعل رد فعل قده 100 مرة، انا عندى بلاغات اهدار مال عام، بمناسبة ايه اعمل معاك عقد ب4 مليون جنيه وانا عندي جون ب400 ألف". مختتمًا: "انا برضو مش عايزهم يمشوا كده بس يقدر ظروف النادي لان الفلوس دى مش عليا انا، أما عبدالواحد اللى عايز يبقى رئيس نادي يا عم تعالى استلم النادي من دلوقتى، اعملك عضوية الأول وبعدين يفوت عليك سنة وتعالي ابقى رئيس نادي، لكن انا رئيس الزمالك القادم يعم اتفضل".