فتح رضا عبد العال النار على كارتيرون مدرب الزمالك بعد الهزيمة من سموحة بهدفين دون رد في الدوري هذا الموسم. قال عبد العال في تصريحات عبر قناته على اليوتيوب: "اللي يلاقي دلع وميدلعش ربنا هيقصف عمره، الرسالة دي للجنة الخراب اللي اتعاقدت مع كارتيرون وكنتوا عارفين ان مرتضى راجع وحطيتوا كارتيرون عقبة قدام جمهور الزمالك ومرتضى منصور" أضاف: "عبد الله جمعة بيلعب على باك رايت بيلعب في منتخب تونس يا حزن الحزن طب ما ترحل المثلوثي احسن محمود علاء بيلعب على اساس ايه وتقعد الونش اللي مكسر الدنيا، وإسلام جابر واوناجم ياخدوا قطر ستة الا ربع وكارتيرون عايز يمشي وبيتلكك وهيفضل يخسر ماتشات والدوري جاي من عند ربنا منهم لله اللي اتعاقدوا مع كارتيرون. تابع: "كارتيرون فنيا ملط والباشا بيلاعب أوناجم وإسلام جابر وعمر السعيد وشيكابالا في الوسط فين زيزو فين امام عاشور مين اللي هيروح للجون وبعد كدة زيزو وبن شرقي ميقعدش رزاق سيسيه لاعيب هايل ومع الماتشات هيبقى من أخطر اللاعيبة في مصر مش الزمالك بس" وأشار: "ربنا عاقب كارتيرون ونقول لاعيبة سموحة شابوه وأحمد سامي شابوه واللي مجتهد لو انت راجل محترم غور في داهية يا كارتيرون"
اتحاد الكرة يكشف أسرار رحيل شوقي غريب أكد وليد العطار، المتحدث الرسمى للاتحاد المصرى لكرة القدم، أن الاتحاد يقدم كل الدعم للمنتخب الأول برئاسة كارلوس كيروش كاشفاً رد فعل شوقى غريب المدير الفنى للمنتخب الأوليمبى عقب قرار توجيه الشكر له. وقال وليد العطار، في تصريحات إذاعية، "سنظل دائم الدعم للمنتخب الوطني من أجل الصعود لكأس العالم المقبلة، والأهم التركيز فى القادم، وتمت مناقشة كل ملفات المنتخب الوطنى على مائدة اجتماع الاتحاد الأول". ويضيف "طلبنا تأجيل مباراة السنغال 24 ساعة لأن السفر للسنغال سوف يستغرق 8 ساعات وسيكون فى اليوم التالى لمباراة الذهاب وسيكون هناك يوم واحد للتحضير فقط وهذا أمر صعب". وتابع "موعد المباريات يتم بناء على أمور تسويقية خاصة بالفيفا ونريد يوم واحد فقط من أجل إراحة اللاعبين وجاهزيتهم بشكل جيد". وعن رحيل شوقى غريب علق وليد العطار "رحيل شوقى غريب بسبب عدم وجود ارتباطات حتى مطلع العام المقبل، ولا توجد أى أزمات مع المدرب وأنا من أبلغته بالقرار قبل إعلانه وتقبله بصدر رحب، وأكد أنه داعم لمصلحة المنتخب وعلى استعداد لتقديم أى دعم خلال المرحلة المقبلة".
