عرض برنامج "تفاصيل"، المذاع عبر قناة "صدى البلد2" تقديم الإعلامية نهال طايل حلقة خاصة مع طليق ريم طارق زوجة حسن شاكوش بناء على تواصله معهم ومطالبته بالظهور. وطالب خلال لقائه ريم وأهلها بالتنازل عن القضايا المقدمة ضده وأنها حصلت على جميع حقوقها قبل الطلاق وأنه لا يستطيع التحدث عن سبب الطلاق وقال: " اديتها كل حقوقها قبل الطلاق .. بس في حاجات مش هعرف أتكلم معاكي فيها لظروف خاصة بيا وبيها .. سبب الطلاق مش هينفع أتكلم فيه في الحلقة دي .. أنا عايز أعرف أنا مرفوع عليا قضايا ليه ؟ .. أنا عايز أتجوز .. أنا مش طالب أي حاجة غير إني أعيش في إستقرار مع نفسي". اقرا ايضا|والد زوجة حسن شاكوش: لدي تسجيلات تثبت تهديد أسرتي وهاخد حقي بالقانون وأضاف:" عمري ما مديت إيدي عليها .. كل حاجة كنت برجع لوالدها .. ولا شتيمة ولا ضرب ولا أي حاجة .. معايا صور للفرح والقسيمة وكل حاجة والكلام ده من سنة ونص.. رجعيلي حقوقي وكل حاجتي وربنا يهنيكي في حياتك". وأضاف أنه حاول التواصل مع والد ريم وقال: " أنا بعت رسالة لوالدها عشان يتنازلوا عن القضايا.. قالي أعلى ما في خيلك اركبه.. مضوني على إيصالات بالمؤخر". وأثناء اللقاء عرض صور لمحادثات بينه وبين والدها وصور أيضا قسيمة الزواج والفرح. وأضاف قائلا: "أنا معايا شهود على كل حاجة.. لو متنازلوش أنا ساعتها هتكلم وأقول كل حاجة اللي أنا مش راضي أتكلم فيه دلوقتي.. أنا معملتش أي حاجة وحشة مع والدها توصلنا للي إحنا فيه دلوقتي". واختتم كلامه وقال: " هي عندها مرض ولا يصح لها الزواج ده اللي هما قالوهولي وأنا كنت باخدها للدكتور.. بس حابب أقولها ارجعي لربنا ومتأذيش غيرك". وأثيرت الساعات الماضية أزمة كبيرة بين شاكوش وزوجته ريم، وتبادل كل منهما الاتهامات في حق الآخر.
