قالت الفنانة هنادي مهنا، إن ضغط المجتمع عبر السوشيال ميديا، وبالأخص الإنستجرام لوضع معايير ضاغطة على الفتيات من ناحية الشكل أمر سيء للغاية. وأضافت هنادي مهنا، أن إنستجرام بالذات 99% كل الصور اللي فيه مش حقيقية كله فوتوشوب وفلتر، ورغم ذلك أنا بالنسبة لي مش مهم الشكل ولا الرشاقة ولا غيره أهم شيء يبقى الانسان مبسوط من جواه وهوا بيبص لنفسه في المراية مش مهم رأي حد تاني. سخرت الفنانة هنادي مهنا، من شائعات انفصالها عن زوجها أحمد خالد صالح، قائلة: الموضوع مضحك وبيضحكني أوي، وقلت كويس أنهم مشغولين في الكلام وده، ومتخيلين أن بينا خلافات أحسن ما يحسدونا. كشفت الفنانة هنادي مهنا، تفاصيل الوصية التي اوصتها لها والدتها قبل الزواج من الفنان أحمد خالد صالح، قائلة إن أمي وصتني اكوي ملابس زوجي، واهتم بكل تفاصيله، واطبخ لزوجي وجبات واطعمة يحبها. وقالت هنادي مهنا إنها قبل التصوير بتسيب ل أحمد خالد صالح فطاره وغداه عشان ما تحسيش بالذنب. ورداً على سؤال الاعلامية لميس الحديدي هل تشعر بالغيرة على زوجها، تابعت هنادي مهنا خلال لقاء لبرنامج " كلمة أخيرة " الذي تقدمه الاعلامية لميس الحديدي على شاشة ON": أكيد زي كل البني أدمين بس مش بتخانق وهو بيغير عليا في حدود الطبيعي، وأحمد خالد صالح مش بيقولي ستو أنا رغم إن الناس كلها بتقولي كده" وكشفت هنادي مهنا أنها أحيانا تقوم بفتح موبايل زوجها لكن ليس لشيء سوى لأخذ صور بعينها أو خلاف ذلك وأن. ووجهت لميس الحديدي لهنادي مهنا سؤال هل تعملان سوياً في المجال الفني، هل لو نجح أحدكما أكثر من الآخر من الممكن أن يولد غيرة، قالت هنادي مهنا: بالعكس مافيش مجال للمنافسة بين راجل وست لكن على أية حال أتمنى أني نجح أكتر وببقى فرحانه لما ينزله حاجه وبكون متحمسه في دعمه وكأن الدور لي. وعن وجود خطوط حمراء في الأدوار التي تقدمها أكدت هنادي مهنا أن عندي خطوط حمراء زي أي حد، بس مش براعي في الآخر أني بشتغل في مجتمع مصري وبتخيل شعورهم وهما بيشوفوا أي فنان في التليفزيون المفروض هو قدوة وفيه ناس ممكن تقلد فأتمنى دائماً أكون قدوة للأسر تجاه أبنائهم ومش عاوزة أعمل حاجة تضايقهم أو تكون مختلفة عن مجتمعهم. وأوضحت الفنانة هنادي مهنا، أن دورها في مسلسل " مكتوب عليا " قفزة في مسيرتها الفنية، وأنه يمثل الكثير لها كونه السبب في منحها طاقة إيجابية وفرحة غير عادية. وتابعت هنادي مهنا، أن ": "أنا شغالة في المسلسل ده كنت بقلهم أنا جاية أتعالج عندكم نفسياً من كتر الفرحة والطاقة الايجابية. نفت الفنانة هنادي مهنا، أن يكون الجمال عامل وعنصراً مهماً لبوابة النجومية في المجال الفني، قائلة هنادي مهنا: مالوش علاقة بالجمال لكن بالشطارة والخبرة والروح، والاساس في الجمال أن يكون ذلك من الداخل قبل أن يكون في الظاهر والمهم يكون جميل من جواه والي جوه هو الي بيوصل للناس. وأضافت الفنانة هنادي مهنا، أن اكتسابها للوزن كان لفترة مؤقتة، ولم يكن ضمن ملامح شخصيتها في السابق. وأكدت هنادي مهنا، أنها جربت حاجات كتيرة جداً، وماخستش، فرحت لدكتور، وايا ما كان ما فعلته عند الدكتور عشان أخس، لكن الموضوع في النهاية مكنش استسهال، وقبل الخطوة دي عملت كل حاجة، دايت ورياضة ولكن إضطريت في النهاية لتدخل الطبيب، ومش شرط يكون جراحة في أساليب كتيرة جداً للتخسيس. كشفت الفنانة هنادي مهنا، سر رشاقتها وخسارتها لوزنها، قائلة : " كلنا بنروح في فترات إكتئاب أو ضغط، وزنه بيزيد مش بيعرف ياخد باله من نفسه أو بتخليه ياكل كتير، وأنا عايشة في أسبانيا وقت الجامعة كنت بتحرك كتير أوي، ومكنش فيه حد بيطبخ فكنت رشيقة ". وأضافت هنادي مهنا أنها لما جيت مصر كان فيه دلع كتير أوي، ومحشي وحمام ومسقعة، ودي حاجات ما ينفعش تتساب وماتتكلش. وأكملت هنادي مهنا، أنها كانت تدرس في أسبانيا في مجال هندسة الصوت في مجال الموسيقى، لأني كنت بحب المزيكا أوي، وكان حلمي أني أغني قبل التمثيل واكتسبت ده من الجينات من أبويا. وتابعت هنادي مهنا: لما جيت مصر اشتغلت مدرسة، ودرست كذا حاجة وكنت فاتحة شركة مع بابا، وأنا بحب أشتغل من صغري، ومش بحب أقعد في البيت، ومش بعرف أقعد في البيت. وأكدت هنادي مهنا أنها لما اشتغلت ممثلة مكنتش مستوعبة طبيعة الشغلانة، وأن الشغل موسمي ممكن يبقى مكثف شهرين متتالين، ثم شهرين أخرين قاعدين في البيت مش بنعمل حاجة، ودي كانت حاجة بالنسبة غريبة، وكنت بقول فيه حاجة غلط لاني متعودة على الشغل اليومي وأني أنام وأصحى عشان ورايا شغل ". وأوضحت هنادي مهنا أنني أول ما مثلت الدنيا مامشيتش أوي، وفضلت سنتين أشتغل وما فيش حاجة تتذاع لحد أول عمل، وهو أفراح إبليس الي لسه معروض قريب، رغم الانتهاء من تصويره منذ فترة طويلة، وعملت كمان فيلم ووقف كل ده سببلي في فترة من الفترات، إكتئاب وكنت قاعدة في البيت فقعدت أكل. وكشفت هنادي مهنا عن أن جمهور السوشيال ميديا وقتها إنتقدها وكان حقهم، وأنا في الأساس شكلي كان زي دلوقتي، بعد فقد الوزن، لكن الفترة دي كانت سبب في زيادة وزني حينها ". وأضافت هنادي مهنا أنها بتتكلم 3 لغات غير العربية، وأنا بحاول دلوقتى اتعلم أكتب عربى بس بعرف أقرأ بالطبع وبتلخبط بين الصاد والسين، وكمان بغلط بين الذال والزين والظاء، ويمكن تاعبينى علشان ببدأ متأخرة وعمرى ما أخدت دروس عرب ى وأنا صغيرة.
