«اقسم بالله اللي ها يقرب من البلد دي هاشيله من على وش الأرض».. تهديد قوي وجهه الرئيس عبد الفتاح السيسي، لكل أعداء مصر، في رسالة صريحة بأنه لن يتهاون في حق كل من يسيء لهذا البلد وشعبها. «بوابة أخبار اليوم»، ترصد أهم التهديدات التي وجهها الرئيس السيسي خلال كلمته بمؤتمر إطلاق إستراتيجية مصر للتنمية المستدامة «رؤية مصر 2030» ، الذي عقد ظهر الأربعاء 24 فبراير. التهديد الأول قال «السيسي»، إن «هدفنا هو الحفاظ على الدولة المصرية أي دولة غايتها القومية هي بقاؤها، بمعني أن الدولة المصرية خلال الفترة الماضية أو السنوات كانت معرضة لتهديد حقيقي وما زالت، وتحدثت أمام البرلمان بكل وضوح، هل من كانوا يتمنون ويعملون من أجل أن يكون مصير مصر كمصير الآخرين قائم أم انتهي، إذا كان انتهي فذلك خير ولكنها لم ينته بعد، ما زالت المحاولات تبذل لكي تسقط مصر». التهديد الثاني وقال الرئيس أيضا: «أنا عارف مصر زي ما أنا شايفكم قدامي كده وعارف علاجها .. وأنا بوجه حديثي لكل من يسمعني في مصر لو سمحتم متسمعوش كلام حد غيري .. أنا بتكلم بمنتهى الجدية أنا مش راجل بكذب ولا بلف وأدور ولا ليه مصلحة غير بلدي .. ومش بس ليه مصلحها غيرها.. وفاهم أنا بقول أيه». التهديد الثالث وأضاف: «لن أسمح بتمزيق مصر خلي بالكوا أنا مش هسمح بكده.. محدش يفكر إن طولة بالي وخلقي الحسن معناه إن البلد دي تقع.. قسما بالله قسم بالله اللي ها يقرب من البلد دي هاشيله من على وش الأرض.. أنا بقول لكل مصري بيسمعني أنتوا فاكرين الحكاية إيه.. أنا مسؤول أمام الله عن 90 مليون وسأقف أمام ربي يوم القيامة أقوله أنا خليت بالي منهم .. عايزين تخلوا بالكم منهم معايا أهلا وسهلا مش عايزين لو سمحتو اسكتوا». التهديد الرابع وتابع: «يوجد كلام لا أستطيع أن أقوله ولكن سوف أتحدث .. إلا أنه من منظور الأمن القومي المصري غير صحيح التحدث عنه .. هناك سد يتم بنائه وسيتم الاتفاق مع الناس على عدد سنوات معينة .. يحجزوا المياه حتى يتمكنوا من بناء السد، كيف يمكن تعويض تلك المياه .. اترك الفلاحين بدون مياه .. وأدعوا الجميع إلى دراسة أي موضوع جيدا ومعرفة تفاصيله قبل نقله أو التحدث عنه إلى المواطنين .. واللي عايز يدرس ويفهم .. تعلالي وأنا أقولك أيه الحكاية .. ليس فقط في هذا الشأن وإنما في كافة المشكلات الأخرى». التهديد الخامس قال السيسي، حلو معالجة المياه: «نحن نحتاج إلى 10 ملايين أو أكثر .. وأقول هذا الكلام لأن هناك من يحاول التشكيك في قدرة الدولة المصرية على تحقيق أهدافها وأمالها .. هناك من يعمل لكي يجعل المصريين في حالة نفسية غير مستقرة .. وفي ناس تتحدث في مواضيع لا علم لها بها .. لكنى رأيت أن مخاطر عدم التحدث بالمواضيع أقل من أن البلد تضيع مني .. محدش بيقول بيانات للدولة على الهواء الناس بتاخد وقت طويل لتجميع هذه البيانات .. هل النهاردة مصر من 50 سنة زي دلوقتي بعدد سكانها .. حجم المياه التي تأتي لمصر لم تتغير كثيرًا .. نحن نستهدف نحو 500 ألف متر مكعب من المياه يوميًا .. ولو تمكننا من الوصول لأسعار مناسبة مع الشركات المسؤولة لمعالجة المياه قد نصل للمليون». التهديد السادس وأردف الرئيس: «عندما نتحدث على واحد ونص مليون فدان من إجمالي 4 ملايين .. وهل في ضرورة لهم .. عشان كان في نقاش كتير عن الموضوع ده .. وأنا تحدثت فيه قبل ذلك .. وقلت إن دائمًا المستثمر لا يفكر إلا في الأرباح .. وهذا طبيعي جدًا .. لكن نحن كدولة لا نفكر بهذه الطريقة نحن نفكر في كيفية توفير الفرص الحقيقية لمجتمعاتنا .. فأنا أتحدث حاليًا وأكثر من 50% من مساحة مصر عشوائيات ونتحدث عن العدالة الاجتماعية .. ويتم تصويرهم في التليفزيون .. والناس بتقول فين الحكومة وفين الدولة المصرية، إحنا بنتعاير بفقرنا بس أنا مش هسكت .. ولو إحنا مصريين بجد لا ننام إلا لما نبنيها .. ولما حد يوجعنا كمصريين منردش عليه .. إحنا نشتغل نبني نعمر بلادنا وهو ده الرد». التهديد السابع واستطرد الرئيس: «هقولكم على شئ .. مبادرة تحيا مصر اللي عملناها منذ عام ونصف .. إجمالي المبلغ الذي تجمع فيها 4.7 مليار .. منهم مليار جنيه من الجيش ..وعايز تعالج ملايين من المصريين من فيروس سي .. ومش قادرين وعايز تعمل سكن للناس في المناطق العشوائية لكي تأخذهم منها.. ده لو كل يوم 10 ملايين من 90 مليون تليفون موبايل الموجود مع الناس صبح على مصر بجنيه من موبايله بعشرة ملايين جنيه يعني في الشهر 300 مليون جنيه وفي العام 4 مليارات جنيه ..إحنا بنتكلم كتير بس إحنا صحيح عايزين عدالة اجتماعية .. أنا أعمل عدالة اجتماعية .. ولا إحنا اللي نعمل عدالة اجتماعية.. إحنا نعمل للناس ما يليق بهم أنا هقول تعبير صعب جدًا والله العظيم.. أنا لو ينفع أتباع لأتباع». التهديد الثامن وذكر السيسي: «هو أنتوا هتعرفوا الحكومة أكتر مني .. ده أنا بقعد معاهم كل يوم .. أنا مبدفعش عن حد .. بس هو بياخد أيه عشان يستحملك .. ليه كده .. صدقوني لو في حاجه عايزه تتعدل هنعدلها .. والناس كلها مستعدة لده». التهديد التاسع وحذر السيسي: «أوعى وأنت بتصلح تكسر .. لأن كسر مؤسسات الدولة هيضرنا كلنا .. وفي عندنا قانون ومفيش تدخل من ناحيتنا .. ولازم يطبق على الكل ونحترم القانون وسيادته .. ولو عايزين نصوب حاجه نصوبها .. والآن يتم العبث من خلال التشكيك في البرلمان ومؤسسات الدولة .. لا لا .. مش هيتبقى حاجه .. وأظن بعد اللي أنا بقوله وبحكيه .. مفيش حاجه تتقال بصراحة». التهديد العاشر وأكد السيسي: «مش هينفع إن إحنا نهين المصري .. ولازم نعرف إننا كلنا واحد .. ودي بلدنا .. وبالمناسبة الحق مش إن الناس تنصر الظالم .. اللي غلط فينا يتحاسب .. والكلام ده ينطبق علينا كلنا .. ونقدر نقول إن لو حد في الإعلام ولا التعليم ولا الداخلية غلط .. مينفعش أقول إن الكل وحش».