شنت النائبة هاله أبو السعد، عضو مجلس النواب، هجوما ناريا على النائب مرتضى منصور، قائلة إنه يرتكب مهازل تحت القبة. وقالت «السعد» - في مُداخلة هاتفية لبرنامج «حضرة المواطن» على قناة «العاصمة»- مخاطبة مرتضى منصور: «مينفعش نضيع وقت البرلمان في حسابات شخصية، مش عايزين ناخد وقت ال 90 مليون في أمور شخصية». وأضافت: «إحنا جايين نشيل هموم المصريين، ومحتاجين مصر تقف على رجلها اللي بيعمله مرتضى منصور تحت القبة مهزلة». وتابعت:« محتاجين نبص لمصالح المواطنين، لازم نحس بالناس، أنا مش بتكلم على شخص بعينه ولا بقول فلان ضد فلان، ما يهمني 90 مليون بني آدم، مش هنضيع مصالح المواطنين عشان مصالح شخصية». وأضافت:«حتى لو كان الموضوع الذي أثاره مرتضى منصور يمس كرامة المصريين، هناك أولويات محتاجين نشعر باحتياجات المواطنين منقعدش نتخانق في البرلمان».