تفيد بأيه طهارة الجسد و الفكر فيكى يا بلدى داعر و يعنى أيه شديد الجَّلد ما الدرب بينا طويل و واعر حلمت ياما بميعاد ف حضنك لكن ما تم و لسَّانى حاير كان واجب عليكى تمشى ، تلاقينى ف وسط الطريق .. لأجل ما تكمل لوحة المشاعر لكن ما جيتى ولا طل طيفك سبتينى ساهر .. و كأنى ضيفك .. نسيتى إبنك و معادش صابر إزاى راح أصبر ؟! .. إزاى هواصل ؟! .. أنا حبى ليكى بدون أمل أنا وضعى ساخر .. أسهر أنظم ف كلام غزل مع إنى عمرى ما كنت شاعر و إنتى لا سامعة ولا بتهتمى طب ليه أحاول .. و يفيد بأيه كُتر الصراخ ، كُتر الصراخ جوه الشوادر أهى دى ظنونى .. كبرت ف قلبى بعد اللى صاير فيا و ليكى .. أوعى تلومينى لإنى ثاير ع الوضع فيكى .. و تملى شايفك أغلى البلاد رغم اللى تم و اللى هيجى لسه بشوفك .. رابطة ضفايرك زينتك جواهر و خليكى صامدة ما تيأسيش طول ما أنا عايشك .. أنا شاب شرقى ما أعرفش يأس أنا قلبى عاشقك ، و دمى فاير .. طالما لسه ما إترد حق أو لسه فيكى كام متر أرض ، عطشان و باير .. ده وعد منى ، رغم المصاعب أنا برضو قادر .. و ياما لسه هفضل أعافر ..