اشتبك صالح جمعة، لاعب النادي الأهلي مع الاعلامي ابراهيم فايق، على موقع التواصل الاجتماعي "تويتر"، بعد حديث الثاني عن عقوبات جهاز الكرة بالنادي الأهلي على الأول والتي وصلت إلى 700 ألف جنيه بسبب سهراته الخاصة. وكتب صالح جمعة في تمام الساعى 11.37 من مساء أمس في تدوينات متتابعة : "عاوز تعرف مستوى الكدب والفبركة وصل لفين !!طب عاوز تعرف يعنى ايه تظبط لعيب وتخلص على لعيب تانى !!، عاوز تعرف يعنى ايه ضمير اعلامى غايب ويعنى ايه ادوس على اللعيب الى مبيرودش عليك ويعنى ايه ظبط الحبااااااايب، عمرك ما هتبقى صاحبى وعمرك ما هتقعد معايا وعمرك ما هتنفرد بخبر منى عشان شغلك عن طريق اننا صحاب، دخولى لقايمة مباراة بكرة اكبر شك على فشلك كاعلامى !؟ دعواتكم بكرة". ورد إبراهيم فايق : "حيث كده بقى بص يا حبيبي.. انت لا صاحبي ولا يشرفني اصلا انا عارف ان السهر في الكباريهات للصبح مش مخليك عارف تفوق اصلا اللي بتشربه كتير، وسوابقك وصورك وفضايحك سباقك.. وجمهور الأهلي قافشك وعقوباتك اللي فاتت متسجلة.. اللي زيك سراب هيعدي ومحدش هيفتكره عشان مش مقدر نعمة الاهلي، وللتاريخ. سيد عبدالحفيظ قالك، بالنص اخر مرة اللي جايه مليون جنيه يا صالح وحذرك من السهر في الكباريهات.. ومن كام يوم رمى لك تليفونه وقالك، اتفرج.. واتفرجت ع كوارثك ووصل العقوبة للادارة المالية وانت قعدت تتحايل عليه وتقوله كتير يا كابتن.. ولفيت ع الناس تسأل هو فيه عقوبة كده، جمهور الأهلي كبير اوووي ومفيش لعيب اخلاقه كانت سيئة عرف يضحك عليه.. اقرا التاريخ كويس". ويلتقي فريقا الأهلي × ووادي دجلة، في الأسبوع الثالث من مسابقة الدوري الممتاز، على ملعب بترو سبورت، في الساعة التاسعة من مساء اليوم.
