هاجم والد الشهيد المجند سعيد عفيفي، أحد ضحايا مذبحة رفح، جورج إسحاق عضو المجلس القومى لحقوق الإنسان بعد مطالبته بتأجيل عقوبة الإعدام فى مصر لمدة 3 سنوات خلال مداخلة هاتفية ببرنامج "العاشرة مساءً". وقال والد الشهيد: إن بيته تم تدميره بعد استشهاد ابنه فى مذبحة رفح، ثم قال لجورج إسحاق: "فين حقوق الإنسان بعد استشهاد جنودنا فى رفح؟، ومش عاوز حد هيطلع فى التليفزيون يعمل عمدة، فين حق ولادنا اللى انضربوا كل واحد 20 رصاصة ولا شوفنا حد بيتكلموا عنهم". وتابع والد الشهيد أن كل من يتحدث عن حقوق الإنسان "عالمة فاضية وانت يا جورج مخدمتش وطنك ولا عندك ابن خدم وطنه وقتلوه الإخوان المجرمين، وانت طالع تحرق دمنا"، ورد جورج عليه: لأ محرقتش دمك ومقدر شعورك". ووجه حديثه لجورج إسحاق قائلاً: مين اللى قتل ولادنا يا جورج؟ ومش كل واحد فاضى يطلعلى يتكلم عن الإنسان". قال والد الشهيد: "لو الرئيس عبدالفتاح السيسى أعطى لي الأمر لقمت بذبح أى بنى آدم يتحدث عن الحقوق بعد اللى شوفته من موت ولادنا".