* تحية لرائد فن الأراجوز الذى اعترفت به اليونسكو مؤخرا كجزء من التراث الإنسانى العالمي قرب قرب ع الأراجوز جرب جرب فرقع لوز أنا لفيت الدنيا بحالها متزحلق على قشرة موز ............. الأراجوز ده يا بابا باحبه لما بيلعب كده بإيديه الظالم يضربه ويسبه والتعلب يربط رجليه ويطلع حمص من عبه ورد عليه ميت فل عليه قرب قرب ع الأراجوز ............. الأراجوز ده يا بابا حبيبي أشطر من أستاذى مغازى لهجته مصرى وشامى وليبي وسودانى ومغربى وحجازى ابعت له حبى وإعزازى واعزمه عندنا شربات لوز
ورد عليه ميت فل عليه
الأراجوز ده اسمه شكوكو طرطوره بيلف الدنيا ويا الديك بيصيح كوكوكوكو ويرش على الورد كلونيا تمثاله المتباع ساكسونيا ورانى العالم بعينيه ورد عليه ميت فل عليه ............. رايح فين بقى يا أراجوز قاللى يا بنتى مروح بيتي خدنى معاك قال لأه .. بيكوز ما انتى كبرتى خلاص وبقيتي ............. عروساية حاتتجوزى جوز وولادكم راح يسمعوا ايه ورد عليه ميت فل عليه قرب قرررررب ع الأراجوز