نِفْسى أنا .... أصْرُخ بحس عالي على شمسنا .... وأقول لها : تعالِي خُدِى هَمِّنا وخُدى يأسنا ودوِّبى الليالى وهاتى لنا بكرة أحنّ من أمسِنا .................... يا رب ليه الحقيقة فى الدنيا تايهة وغريقه ؟! الكدب ليه توبُه زاهِى ؟ والدنيا مش زى ما هى ! دى دنيا دى ولّا غابة ؟! ولّا مدينة ملاهى ؟!! أنا تُهت ليه بس ؟ مالى !! ................... دنيا اللى فيها كافيها ! طفولتنا ليه ضايعة فيها ؟ وشبابنا جواه دموعه لكن بيحلم ببكره حابس ضناه بين ضلوعه وبكره فى القلب فكرة قرّب يا بكره .. ولالِى
-------------------------------- قصيدة للشاعر الراحل سيد حجاب ننشرها بمناسبة ذكرى ميلاده ال 77