ف المكان هنا ف كل ركن لمسة ف كل ركن ونسة وصوت بينادي ع الكل : هنتغدي ايه النهاردة ؟؟ كنا تلاتة اربعة كنا خمسة كنا .. و دايما الأكل يفيض و ينقص شىء تاني او حد منا يغيب وانا .. شاهد ع المكان علي شجرة العيلة كان لازم نسقيها نفطرها و نغديها زينا كانت كل فروعها مورقة و متزينة بالليل وبالنهار مضللة علينا خلان وخالات أعمام و عمات ماليين السهرات فاتحين الراديو معلقين ع الشاي طافيين ع الحزن فاردين هدومنا و همومنا البسيطة ع الشماعة و جدتي فرحانة باللمة وصوتنا واصلها وهي شايلة من ودانها السماعة وولاد وبنات اللي لسه بيحبي واللي انتظم ف المدرسة واللي اتفطم واللي مش عاوز علشان يفضل ف حضن الأم والشجرة .. عاشت و ربت وكبرت و عجزت و حَلِّفت .. الكل ماينسوهاش ....