وجاتلك الجرأة وبتسأل انته مين يا عم؟ أنا اللى كل الناس لما تشوفنى تقول ابن مصر أنا اللى على طول الخط مستحمل وشايل بسببك الهم أنا ابن البلد اللى داق المر عشان بلده تفوق م الهم وبتسأل.. برضه.. انته مين يا عم؟ أنا القاضى اللى رب العباد جعل ف لسانى كلمة الحق أنا القاضى اللى عمره ما يخلى بلده تطاطى لحد أنا القاضى اللى علم الدنيا كلمة الحق لسة برضه بتسأل.. انته مين يا عم؟ أنا القاضى اللى بيحكم ويقول علقوا ف رقبة الخاين.. الحبل أنا القاضى اللى عمره ماطاطا راسه لحد ولغير رب العباد ما رفع ايديه ولا سجد لحد أنا القاضى اللى كل الدنيا تروح له وعمره ما يروح لحد أنا القاضى اللى هايعلق ف رقبة كل خاين.. حبل عرفت مين أنا.. أنا وشاح العدل م السما نازل على لسانى الحق أنا ابن الشعب.. وصمام الأمان.. وأصل العدل.. أنا أساس الملك أنا اللى حبيت تهده.. فدمر نظامك وأركان عرشك أنا القاضي.. ضمير الأمة.. أنا ميزان العدل.. .. أنا مزيل الغمة.. المستشار فوزى زيدان